خطـ ـوات بسيطة تنقلك إلى عالم العمل الحر

الساحة – قسم المتابعة

العمل الحر عبر الإنترنت أو الفريلانس هو مصطلح يشير إلى وظيفة مستقلة لا تلتزم بمعايير حتمية ولايشترط الارتباط بالعمل دائما وإنما تكون وظيفة مؤقتة أو طويلة الأجل لإتمام مهام معينة، ودائما ماتكون تلك الوظيفة مصدر دخل جيد بالنسبة للكثيرين.

العمل الحر عبر الإنترنت يشمل مجالات مختلفة في شتى دروب الحياة ومتطلباتها منها البرمجة، تصميم المواقع، الموسيقى، كتابة الافلام والمسلسلات، الصحافة والنشر، الاعلام، التصوير الفوتوغرافي، الإعلانات ، خدمات التصميم، التمثيل، الظهور الاعلامي، كتابة المحتوى المقالي ، الصحة، القانون، الهندسة، إدارة الأعمال، إنشاء الفيديوهات، التعليم ، الإستشارات …إلخ.

نرصد لكم هنا في موقع الساحة الإخباري أهم ما تحدث به المختص في هذا المجال المهندس صلاح أحمد عن أهم الطرق والوسائل المتبعة وما هي الآليات والمصادر المراد اعتمادها بشكل أفضل.

تعريف موجز للعمل الحر .. هو عبارة عن أسلوب في العمل يكون فيه الشخص يعمل لحسابه الخاص وبدون أي إرتباط بزمان أو حتى مكان، ولمختلف المجالات .. وبالنهاية ( اي شخص بيقدر يقدم خدمة لزبون و بيتم تداولها ونقلها عبر الانترنت ) يستطيع الدخول في العمل الحر.

ما هي آلية العمل ؟

الاجابة / على العديد من المواقع يقوم اصحاب الاعمال بنشر مشاريعهم المطلوبة مع وضع ميزانية و المطلوب من الناس الي بتشتغل بشكل حر انها تقدم على هاي المشاريع اذا المهارات المطلوبة بتناسب المشروع.

في مواقع اخرى الشخص المستقل او الفري لانسر بيعرض خدماته عليها و الناس بتيجي تطلب هاي الخدمة و بيبدأ عرض الخدمات من 5 دولار و بيزيد المبلغ حسب حجم المشروع ومدة تنفيذه.

شو فايدة المواقع ؟

المواقع هاي بتضمن حق الزبون وحق المستقل من خلال حجز المبلغ الخاص بالمشروع لما الزبون يقرر يختار فري لانسر يشتغل على المشروع و ممكن تقسيم المبلغ لأجزاء صغيرة ، وبتدخلها بحساب المستقل لما يخلص الشغل… طبعاً هاي المواقع بتاخد عمولة وبتختلف من موقع للتاني ,, وفيها نظام تقييم لجودة الشغل من طرف الزبون و تقييم للزبون من طرف المستقل

شو اشهر المواقع وكيف اعمل حساب عليها ؟

مواقع عربية
https://mostaql.com/ – https://khamsat.com

مواقع اجنبية
https://www.upwork.com/ – https://www.peopleperhour.com/ – https://www.freelancer.com/dashboard/ – https://www.fiverr.com/

كيف اشتغل على هاي المواقع وشو بلزمني ؟

– لازم يكون عندك مهارة وبتتقنها بشكل جيد ويكون عندك اعمال سابقة
– يكون عندك حافز وفضاوة و صبر وطولة بال
– يكون عندك لغة انجليزية جيدة للمواقع الاجنبية

ما عندي مهارة شو اعمل ؟

– حاول تكتشف بنفسك شو في مهارة بتحبها و قادر على تعلمها و كمان الزبائن ممكن تشتريها

شو في مواقع ممكن اتعلم منها مهارات ؟

أهم المصادر العربية والمحلية لتطوير المهارات ( مجانية و بفلوس )

https://elzero.org/ – https://academy.hsoub.com/ – https://www.edraak.org/courses/ – http://abdullaheid.net/ – http://www.coursat.org/ – https://www.aldarayn.com/login/index.php – https://videos.najah.edu/

اهم المصادر الاجنبية
http://www.lynda.com – http://www.udemy.com – https://freecoursesite.com

هاد الموقع متخصص انو تنزل الدورات الي موجوده ع يودمي free اي كورس احتجتوا لقيتوا فيه!

كيف اتعلم اللغة الانجليزية؟

أهم المصادر العربية لتطوير اللغة الانجليزية

اضغط هنا 1 اضغط هنا 2 اضغط هنا 3

كيف اعمل بروفايل على هاي المنصات ؟

لازم تكتب عن حالك نبذة شخصية فيها اهم الخبرات و المهارات و شو بتقدر تقدم للزبون و تحاول تجذبه و تحول الانتباه عنده بالنهاية لفعل انه يوظفك
كمان لازم يكون عندك صورة احترافية خلفيتها مناسبة و مبتسم فيها ولابس بشكل لائق و مبتسم وممكن تستفيد من الرابط التالي
https://www.photofeeler.com/
ارفع صورتك والناس راح تعطيك رأيها

محتاج كمان ترفع اعمال سابقة و تعمل معرض اعمال بطريقة حلوة و تعرضهم على موك اب mockup
هدا الموقع راح يفيدك

All free Mockups

ماعندي اعمال سابقة شو اعمل ؟

حاول تتعلم المهارة وتطوع في مكان او على الاقل ادا انت مصمم فوت على موقع
http://www.freepik.com
وتعلم بعض التصميمات من التصميمات مفتوحة المصدر و عدل عليها و طور عليها و غير محتواها و حاول تغير شكلها
وبإمكانك تنزيل العديد من الصور المجانية من
https://www.kisspng.com/

ادا انت مبرمج ويب حاول تستفيد من انظمة ادارة المحتوى مثل ورد برس

عملت حساب وعملت بورفايل و عملت كل اشي و اخدت مشروع كيف استلم الفلوس ؟

في عدة وسائل لاستلام الفلوس منها بطاقة بايونير و الحساب البنكي و الباي بال
من شان تعمل حساب بنكي / قم بعمل حساب توفير لكل مواطن في Bank of Palestine | بنك فلسطين، واطلب الحصول على بطاقة صراف آلي
من شان تعمل بطاقة بايونير وتوصلك على غزة بدون ادخال حساب بنكي شوف هاي الروابط

اخر شي بحب انبه لموقع البحث قوقل الي بيقدر يجاوب على كل الاسئلة العامة الي براسكم و بوفر عليكم الوقت مشان تسألوا الاسئلة الدقيقة الي راح تفرق معكم عند الاجابة عليها ودائما وابداً خلوا عندكم مهارة التعلم الذاتي